ᓴᓈᕗᑦ ᐱᖓᓱᐃᓕᖅᑲᖓᔪᒃᑯᑦ ᐱᓕᕆᐊᕆᕙᑉᐸᕗᑦ ᐱᒋᐊᕐᓂᖓᓂᑦ ᐱᔭᕇᕐᓂᖓᓄᑦ. ᐊᐅᓚᓲᓕᐊᕆᓯᒪᐸᓘᓐᓃᑦ, ᑕᓚᕖᓴᒃᑰᑐᑦᓴᓕᐊᕆᓯᒪᑉᐸᓘᓐᓃᑦ ᐅᕝᕙᓗ ᓂᐱᓕᐅᖅᓯᒪᑐᐃᓐᓇᕋᓗᐊᖅᑲᑦ, Aksut Media ᐱᔪᓐᓇᑎᐊᖅᐸᐃᑦ ᐱᐅᓯᑎᑦᑐᒋᑦ ᖁᕝᕙᓯᑦᑐᒃᑯᑦ, ᐊᔾᔨᐅᙱᑦᑑᑎᑦᑐᒋᑦ ᐊᒻᒪᓗ ᖁᕕᐊᓇᖅᑑᑎᑦᑐᒋᑦ, ᓴᐃᓕᓂᖃᐅᑎᒋᓪᓗᒋᓪᓗ.
ᐅᓂᒃᑳᓕᐊᑦᓴᑦ ᓴᖅᑭᑎᑦᑎᓂᐊᕐᓗᓂ ᐊᒻᒪ ᐱᒋᐊᖅᐸᓪᓕᐊᓂᖅ
ᐅᓂᒃᑳᓕᐊᑦᓴᑦ ᓴᖅᑭᑎᑦᑎᓂᐊᕐᓗᓂ
Aksut Media ᐱᓕᕆᖃᑦᑕᕐᓂᑰᒻᒪᕆᑉᐳᖅ ᑕᕐᕆᔮᔅᓴᓕᐊᑦᓴᓂᒃ ᐊᖏᔾᔫᒐᓗᐊᖅᐸᑦ ᒥᑭᔫᒐᓗᐊᖅᐸᓘᓐᓃᑦ ᐃᖅᑲᓇᐃᔭᕐᕕᐅᔪᖅ ᐱᓕᕆᑎᑦᑎᔪᖅ, ᖃᐅᔨᓴᖅᑎᑦᑎᔪᖅ, ᐅᓂᒃᑳᑦᓴᓕᐅᖅᑐᖅ, ᓱᑯᑦᑎᐊᓂᓘᓐᓃᑦ ᑕᕐᕆᔮᔅᓴᓕᐅᕐᕕᔅᓴᓂᒃ ᕿᓂᖅᑐᑦ ᐅᕝᕙᓗ ᖃᖓᒃᑯᑦ ᐱᔭᑦᓴᐅᓂᐊᖅᑐᓂᒃ ᐋᖅᑭᑦᓱᐃᓂᕐᒥᒃ.
ᐊᐅᓚᓲᓕᐊᕆᓯᒪᔪᑦ
ᐱᒋᐊᖅᐸᓪᓕᐊᓂᐅᓂᐊᖅᑐᖅ ᓇᓗᓇᐃᑦᑎᐊᕐᒪᑦ Aksut Media ᓱᔾᔪᑎᖃᑦᑎᐊᖅᐳᖅ ᐱᔪᓐᓇᕐᓂᖃᑦᑎᐊᖅᑐᓂᓗ ᑕᑯᓐᓇᙳᐊᕈᑎᒋᔪᓐᓇᓂᐊᖅᑕᓐᓂᒃ ᓴᖅᑭᖅᑎᑕᐅᖁᔭᐃᑦ ᑕᕐᕆᔮᑦᓴᓕᐊᖑᖁᔭᐃᓪᓘᓐᓃᑦ ᐊᓱᐃᓪᓛᖑᖁᓪᓗᒍ. ᐃᑲᕐᕋᐃᑦ ᖃᑦᑎᑐᐃᓐᓇᐅᒐᓗᐊᖅᐸᑕ ᑖᕐᕆᔮᑦᓴᓕᐅᕆᓗᓂ ᐅᕝᕙᓗ ᐊᑯᓂᐅᓂᐊᖅᑐᒧᑦ, ᑕᕝᕙᓂᑦᓴᐃᓐᓇᐅᖏᑦᑐᒥᓗ, Aksut Media ᐱᔪᓐᓇᕈᑎᖃᑦᑎᐊᖅᐳᑦ ᑕᑯᓐᓇᒐᕆᔭᐃᑦ ᑲᔪᓯᓂᖃᑦᑎᐊᖁᓪᓗᒍ ᐊᑭᖏᑎᒍᑦ ᐊᒻᒪ ᖃᓅᖁᔨᓂᖓᒍᑦ ᐃᕝᕕᑦ.
ᐊᔾᔨᓕᐅᖅᑕᐅᒪᔪᑦ ᐋᖅᑭᒋᐊᖅᑕᐅᓂᖏᑦ
ᐊᔾᔨᓕᐅᖅᑕᐅᒪᔪᑦ ᐋᖅᑭᒋᐊᖅᑕᐅᓂᖏᑦ ᐃᓗᓕᖃᖅᐳᖅ ᐊᔾᔨᒌᙱᕈᓘᔭᖅᑐᓂᒃ ᓱᔭᐅᒋᐊᓕᓐᓂᒃ ᐱᔭᕇᕈᑎᑦᑎᐊᕙᐅᔪᓂᒃ ᐃᓱᐊᓄᑦ ᑕᕐᕆᔮᑦᓴᖁᑎᕕᑦ. ᐋᖅᑭᒋᐊᕆᑦᑎᐊᕐᓂᖅ ᑖᕐᕆᔮᑦᓴᓂᒃ, ᓂᐱᓕᐅᖅᓯᒪᔪᓂᒃ, ᑐᓴᖅᓴᐅᑎᑦᑎᓃᓪᓗ ᐊᒻᒪ ᑎᑎᕋᐅᔭᖅᓯᒪᔪᑦ ᑕᒪᕐᒥᒃ ᑕᒪᒃᑯᐊ Aksut Media ᐱᓕᕆᖃᑦᑕᖅᓯᒪᕙᐃᑦ ᐃᓕᓐᓂᐊᒃᑲᓐᓂᕈᑎᒋᓯᒪᓪᓗᓂᒋᓪᓗ. ᐋᖅᑭᒋᐊᕆᔪᓐᓇᕐᓂᕗᑦ ᖃᓄᐃᓕᖓᑎᑦᑎᒋᐊᑦᑎᐊᕈᓐᓇᖅᑐᑦ ᓈᒻᒪᓈᖅᓯᒪᑦᑎᐊᖁᓪᓗᒍ ᑕᑯᑦᓴᐅᑎᒍᒪᔭᐃᑦ. ᐃᓚᖓᓂᒃ ᐊᔾᔨᓕᐅᖅᑕᐅᒪᔪᓂᒃ ᐋᖅᑭᒋᐊᕆᓂᖅ ᑐᑭᓕᐊᑦᑎᐊᖅᓯᒪᔪᖅ, ᑕᑯᑦᓴᐅᔪᑦ ᑐᖏᓕᕇᑦᑕᖅᑐᒋᑦ ᑕᐃᒫᑦᑎᐊᖅ. ᑭᓯᐊᓂᑦᑕᐅᖅ ᐃᓚᖓᒍᑦ ᐊᔾᔨᓕᐅᖅᑕᐅᒪᔪᓂᒃ ᐋᖅᑭᒋᐊᕆᓂᖅ ᐱᔭᕆᐊᑐᑲᓪᓚᒻᒥᔪᖅ ᐊᑯᓂᐅᓂᖅᓴᐅᓪᓗᓂᓗ ᑕᕐᕆᔮᓕᐅᕐᓂᕐᒥᑦ.
ᐅᑎᕐᕕᒋᓗᒍ ᐱᔨᑦᑎᕋᐅᑎᑦ
ᐅᑎᕐᕕᒋᓗᒍ ᖁᓛ