Aksut Media Ltd. ᓇᒥᓂᖁᑎᐅᔪᖅ ᑕᕐᕆᔮᔅᓴᓕᕆᓂᕐᒧᑦ ᑕᒫᓂ ᐃᖃᓗᓐᓂ, ᓄᓇᕗᑦ, ᑲᓇᑕ. ᐅᑭᐅᖅᑕᖅᑐᒧᑦ ᐱᓇᓱᐊᖅᑐᒍᑦ, ᐱᓕᕆᐊᕗᓪᓗ ᑕᒪᕐᒥᒃ ᑲᒪᑦᑎᐊᕐᓂᖃᖅᑎᓂᐊᖅᑕᕗᑦ ᐃᓕᖅᑯᓯᐅᔪᓂᒃ, ᑎᒍᑦᑎᐊᖅᓯᒪᓗᒍ ᓯᓚᑐᓂᖅ, ᐃᓕᓐᓂᐊᕐᓂᖅ ᐱᒻᒪᕆᐅᑎᓪᓗᒍ, ᐊᒻᒪᓗ ᑲᒪᒋᑦᑎᐊᕐᓗᒍ ᓄᓇ.

ᑖᒃᑯᐊ ᑐᙵᕕᒋᓗᒋᑦ ᐱᓕᕆᓂᐊᖅᑐᒍᑦ.

ᐱᓕᕆᐊᖃᖅᑐᒍᑦ ᐊᔾᔨᒌᙱᑦᑐᓂᒃ ᑕᕐᕆᔮᔅᓴᓕᕆᓂᕈᔪᓐᓅᖓᔪᓂᒃ, ᑕᑯᔅᓴᐅᑎᑦᑎᔾᔪᑎᕈᔪᓐᓂᓪᓗ. ᑕᑯᓂᐊᕈᓐᓇᖅᑕᑎᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐊᑖᒍᑦ                      ᒪᑉᐱᒐᐅᑉ.

Aksut Media ᐅᐱᒍᓱᑉᐳᖅ ᐱᔪᓐᓇᕐᕕᖃᖅᑎᑕᐅᓂᕐᒥᓂᒃ ᐱᖓᓱᑦ ᐊᑖᒎᖓᔪᓂᒃ ᐅᑯᐊ Creative Services, ᐊᕙᑎᑦᑎᓐᓂᒃ ᓴᐳᔾᔨᓯᒪᓂᕐᒨᖓᔪᑦ ᐊᒻᒪᓗ ᓯᓚᐅᑉ ᐊᓯᔾᔨᐸᓪᓕᐊᓂᖓᓅᖓᔪᓄᑦ ᐊᐅᓚᑦᑎᔾᔪᑎᕐᓕᕆᓂᖅ ᓄᓇᕗᑦ ᒐᕙᒪᒃᑯᑦ ᐱᓕᕆᕕᖏᓐᓄᑦ ᑲᒃᑯᓄᖓ:

- ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔫᓕᕆᔨᒃᑯᓪᓗ

-ᐃᓕᖅᑯᓯᓕᕆᔨᒃᑯᑦ

-ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔫᓕᕆᔨᒃᑯᓪᓗ

-ᐃᓕᓐᓂᐊᖅᑐᓕᕆᓂᖅ

-ᐊᕙᑎᓕᕆᔨᒃᑯᑦ

-ᒐᕙᒪᓕᕆᔨᒃᑯᑦ

-ᐃᓄᓕᕆᔨᒃᑯᑦ

-ᑮᓇᐅᔭᓕᕆᔨᒃᑯᑦ

-ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ

-ᒪᓕᒐᓕᕆᔨᒃᑯᑦ

-ᒪᓕᒐᓕᐅᕐᕕᒃ

 -ᓯᓚᑦᑐᓴᕐᕕᒃ

 -ᓄᓇᕗᒻᒥ ᓇᒻᒥᓂᖃᖅᑐᓄᑦ ᑮᓇᐅᔭᒃᑯᕕᒃ ᑯᐊᐳᕇᓴ

 -ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᖓᑦ

 -ᓄᓇᕗᑦ ᓄᓇᓕᓐᓄᑦ ᐱᓕᒻᒪᒃᓴᕐᓂᕐᒧᑦ ᑲᑐᔾᔨᖃᑎᒌᖏᑦ

 -ᖃᐅᒻᒪᖅᑯᑎᓕᕆᔨᒃᑯᑦ

 -ᖃᐅᒻᒪᖅᑯᑎᓕᕆᔨᒃᑯᑦ

ᑎᓴᒪᐅᓕᖓᕗᑦ ᐊᐅᓪᓗᑎᔭᕗᑦ ᐃᓅᓯᒃᑯᑦ ᐊᕙᑎᑦᑎᒍᓪᓗ ᒪᑭᒪᓇᓱᑦᑎᐊᓂᕐᓂᖅ ᐱᓪᓗᒍ:

ᐃᓕᓐᓂᐊᕐᓂᖅ. Aksut Media ᐊᑭᖃᙱᑦᑐᓂᒃ ᐃᓕᓐᓂᐊᑎᑦᑎᕙᑉᐳᖅ ᒥᑦᓵᓅᖓᔪᓂᒃ ᑕᕐᕆᔭᐅᑎᓕᕆᓂᕈᔫᑉ ᐊᔾᔨᓕᐅᕈᑎᓕᕆᓂᕈᔫᓪᓗ, ᐃᑲᔪᒃᑲᓐᓂᕈᒪᓪᓗᒋᑦ ᐅᑭᐅᖅᑕᖅᑑᑉ ᓄᓇᓕᖏᑦ ᐱᕚᓪᓕᕈᑎᔅᓴᒃᑯᑦ ᐊᒻᒪᓗ ᓴᐳᑎᔭᐅᓯᒪᑦᑎᐊᖁᓪᓗᒍ ᑕᑯᔅᓴᐅᑎᑕᐅᒃᑲᓐᓂᖁᓪᓗᒍᓗ ᐃᓄᐃᑦ ᐃᓕᖅᑯᓯᖓ, ᖁᕕᐊᓲᑎᒋᕙᑦᑕᖓᑦ ᐱᓐᓇᕆᔭᖓᓪᓗ. 

 

ᐊᕙᑎᑦᑎᒍᑦ ᓯᕗᒻᒧᐊᒍᑎᖃᑦᑎᐊᕐᓂᖅ. Aksut Media ᓴᓗᒪᑎᑦᑎᓂᖅᓴᒃᑯᑦ ᐱᓇᓱᐊᕐᓂᖃᖅᐳᑦ ᐃᑲᔪᖅᓱᐃᓂᒃᑯᑦ ᐊᑦᑐᐃᓂᖃᖅᑎᐊᑎᑦᑎᔪᓂᒃ ᐊᑐᐊᒐᓂᒃ. 

 

ᑎᒥᒃᑯᑦ ᐃᓱᒪᒃᑯᓪᓗ ᒪᑭᒪᓂᖅ. Aksut Media ᐃᑲᔪᖅᓱᐃᕗᖅ ᐊᒥᓱᓂᒃ ᐱᓇᓱᐊᖅᑕᐅᔪᓂᒃ ᑐᕌᖓᔪᓂᒃ ᑎᒥᒥᒍᑦ ᐃᓱᒪᒥᒍᓪᓗ ᖃᓄᐃᙱᑦᑎᐊᕈᑎᐅᔪᓂᒃ ᓄᓇᖅᑲᑎᒌᓄᑦ, ᐊᖅᑯᑎᖃᕐᓗᓂ ᑎᑎᖅᑲᒃᑰᖓᔪᓂᒃ, ᑐᓂᓯᓂᒃᑯᓪᓘᓐᓃᑦ ᐊᒻᒪ ᓴᖅᑭᔮᖅᑎᑦᑎᓂᒃᑯᓪᓘᓐᓃᑦ.

ᐃᓕᖅᑯᓯᕐᒥᒃ ᐸᐸᑦᑎᑎᐊᕐᓂᖅ. AKSUT Media ᓱᓕᔪᖅᓴᖅᐳᖅ ᒪᓕᑉᐳᕐᓗ ᐅᑉᐱᕆᔭᐅᔪᒥᒃ ᓲᕐᓗ ᐃᓕᖅᑯᓯᐅᔪᖅ ᐊᑦᑐᖅᑕᐅᑲᒻᒪᔅᓯᒪᙱᑐᕐᓗ ᐱᕚᓪᓕᕈᑕᐅᒻᒪᑕ ᐃᓅᓯᖏᓐᓄᑦ ᑲᓇᑕᒥᐅᑦ. ᑭᒃᑰᓂᑦᑎᓐᓂᒃ ᓇᓗᓇᐃᒃᑯᑕᐅᒻᒪᑦ, ᖃᑭᒪᒪᓂᕐᒧᑦ ᒪᑭᒪᑦᑎᐊᕈᑕᐅᓪᓗᓂ, ᐊᒻᒪᓗ ᐊᑦᑐᐃᓂᖃᑦᑎᐊᖅᑐᑎᒃ ᖃᓄᐃᙱᑎᐊᕐᓂᑎᓐᓄᑦ. ᑖᒃᑯᐊ ᐱᔾᔪᑎᒋᓪᓗᒋᑦ ᐊᓯᖏᓪᓗ ᐃᑲᔪᖅᓱᐃᕗᒍᑦ ᑐᕌᖓᔪᓂᒃ ᐃᓕᖅᑯᓯᕆᔭᐅᔫᑉ ᐸᐸᑕᐅᑦᑎᐊᕆᐊᖃᕐᓂᖓᓄᑦ. 

ᓂᕆᐅᒋᔭᔅᓯ ᖄᒃᑲᓐᓂᐊᒎᖓᑎᑦᑎᔪᒪᕗᒍᑦ ᐱᓕᕆᑦᑎᐊᖅᓯᒪᓂᑦᑎᒍᑦ ᓴᓇᑦᑎᐊᖅᓯᒪᓂᑦᑎᒍᓪᓗ, ᖁᕕᐊᖁᓪᓗᓯᓗ ᓂᕈᐊᓚᐅᕐᓂᓯᓐᓂᒃ ᐱᓕᕆᖃᑎᖃᕐᓂᒃᑯᑦ ᐅᕙᑦᑎᓐᓂᒃ. ᑎᒥᖁᑎᕗᑦ ᐱᓕᕆᔨᕗᓪᓗ ᐊᔪᙱᑐᒻᒪᕆᐅᓪᓗᑎᒃ ᐃᖅᑲᓇᐃᔮᓂᒃ ᐅᑭᐅᖅᑕᖅᑐᒥᓗ.  

 

ᐱᔨᑦᑎᖅᑕᕗᑦ