ᑲᑎᒪᓂᒃᑯᑦ ᐃᓕᓐᓂᐊᕐᓂᖅ

ᑎᒥᖁᑕᐅᔪᑦ ᑮᓇᐅᔭᓕᐅᕋᓱᐊᖅᑎᐅᓇᑎᒃ

Home Grown Projects

ᑲᑎᒪᓂᒃᑯᑦ ᐃᓕᓐᓂᐊᕐᓂᖅ

AksutMedia ᒪᓐᓇ ᐃᓕᓐᓂᐊᓂᕐᒨᒐᓂᐊᖅᑐᓂᒃ ᓴᓇᕙᓪᓕᐊᕗᖅ ᐊᑭᖃᙱᓪᓗᑎᒃ ᐃᓕᓐᓂᐊᑎᑦᑎᓂᐅᖃᑦᑕᓂᐊᖅᑐᓂᒃ ᒪᒃᑯᑦᑐᓄᑦ ᓄᓇᕗᒻᒥ ᓲᕐᓗ ᐃᖅᑲᓇᐃᔭᖅᑎᐅᓛᕈᒪᒍᑎᒃ ᐊᔾᔨᓕᐅᕆᔨᐅᓂᕐᒥᒃ ᑕᕐᕋᐃᔮᑦᓴᓕᐅᕆᓂᕐᒥᓘᓐᓃᑦ. ᐃᓕᓐᓂᐊᖅᑐᑦ ᖃᐅᔨᒪᓂᖅᑖᓂᐊᖅᐳᑦ ᐊᑐᕈᓐᓇᖅᓯᓗᑎᓪᓗ ᐱᓕᕆᓂᓪᓚᑦᑖᒃᑰᖓᔪᓂᒃ. ᓂᕆᐅᓐᓇᕋᓗᐊᖅᐳᖅ ᑕᒪᓐᓇ ᐃᓕᓐᓂᐊᑎᑦᑎᓂᖅ ᐃᓄᓐᓂᒃ ᓴᖅᑮᑲᓐᓂᕈᑕᐅᓂᐊᕐᓗᓂ ᑕᕐᕆᔮᑦᓴᓕᐅᕐᓂᐅᑉ ᐃᓗᐊᓂ ᐊᒻᒪ ᐱᕚᓪᓕᑎᑦᑎᓂᐊᕐᒪᑕ ᐃᓄᐃᑦ ᓇᑭᙶᑎᑦᑎᓂᖏᓐᓂᑦᑕᐅᖅ. ᑕᑯᓯᒪᓕᕋᑦᑕ ᐊᒥᓱᑦ ᑎᒥᖁᑎᒋᔭᐅᔪᑦ ᑮᓇᐅᔭᖃᖅᑎᑕᐅᙱᓗᐊᖅᐸᓐᓂᖏᓐᓂᒃ ᑕᐃᒪᐃᒻᒪᑦ ᖃᐅᔨᒋᐊᕐᕕᒋᔪᓐᓇᖅᑲᑎᒍᑦ ᐃᑲᔪᖅᑎᒌᒃᑲᓐᓂᕐᓂᐊᕋᑦᑕ.                       ᑮᓇᐅᔭᖃᖅᑎᑕᐅᓂᒃᑯᑦ ᓇᒻᒥᓂᕐᓗ ᑮᓇᐅᔭᖁᑎᑦᑎᒍᑦ ᑕᒪᒃᑯᐊ ᐃᓕᓐᓂᐊᑎᑦᑎᓂᐅᓂᐊᖅᑐᑦ ᓴᖅᑭᐸᓪᓕᐊᔪᒪᓂᐊᖅᑕᕗᑦ 2018-ᒥ.

AksutMedia ᐱᓕᕆᑎᑕᐅᕙᒃᑭᕗᖅ ᓄᓇᕗᓕᒫᒃᑰᖓᔪᓂᒃ ᑲᓇᑕᒃᑰᖓᔪᓂᓪᓗ ᐱᔪᓐᓇᖅᓯᑎᑦᑎᓇᓱᑦᑎᓂᒃ, ᑖᓐᓇ ᑎᒥᐅᔪᖅ ᑐᕌᒐᓕᒃ ᒪᒃᑯᑦᑐᑦ ᑕᑯᔪᓐᓇᖅᓯᒋᐊᖁᓪᓗᒋᑦ ᓴᓇᔨᐅᓂᕐᒧᑦ ᐃᖅᑲᓇᐃᔮᑦᓴᓂᒃ.ᑲᓇᑕᒥ ᐊᒥᒐᖅᓯᕙᓪᓕᐊᒻᒪᑕ ᓴᓇᔪᓐᓇᑎᐊᖅᑐᓂᒃ ᓴᓇᔨᓂᒃ, ᑕᐃᒪᐃᒻᒪᑦ ᐱᔪᓐᓇᖅᓯᑎᑦᑎᓇᓱᑦᑏᑦ ᑲᓇᑕᒥ ᓴᖅᑭᑎᑦᑎᓯᒪᕗᖅ. ᑲᑐᔾᔨᓂᒃᑯᑦ, AksutMedia ᐊᑭᖃᙱᑦᑐᓂᒃ ᐃᓕᓐᓂᐊᑎᑦᑎᕙᑉᐳᖅ ᒪᒃᑯᑦᑐᓂᒃ ᐊᔾᔨᓕᐅᕆᓂᕐᒥᒃ ᑕᕐᕆᔮᑦᓴᓕᐅᕆᓂᕐᒥᓪᓗ ᓄᓇᕘᑉ ᓄᓇᓕᖁᑎᖏᓐᓂ. ᒫᒃ ᐊᑭᓕᖅᓱᑦᑕᐅᓇᓂ ᐃᑲᔪᖅᓯᒪᒋᕙᐃᑦ IqaluitFilm Club ᐊᒻᒪ ᐋᖅᑭᓱᖅᑕᐅᕙᓪᓕᐊᑎᓪᓗᒍ NAC Media Club ᓯᓚᑦᑐᓴᕐᕕᒻᒥ.

ᑎᒥᖁᑕᐅᔪᑦ 

David Suzuki Foundation

ᑖᒃᑯᐊ ᐱᔾᔪᑎᒋᔭᖓᑦ ᓴᐳᔾᔨᓯᒪᓂᖅ ᐊᕙᑎᑦᑕ ᑭᓱᖃᑦᑎᐊᕐᕕᖏᓐᓂᒃ ᐊᒻᒪ ᑲᓇᑕᒥᐅᓕᒫᑦ ᐃᓅᓯᖃᑦᑎᐊᕈᑎᖏᓐᓂᒃ, ᐅᓪᓗᒥ ᓯᕗᓂᑦᑎᓄᓪᓗ. ᑕᐅᑐᒐᖃᖅᐳᑦ ᑭᖑᕚᕆᔭᐅᔪᑦ ᐃᓗᐊᓂ ᓱᓕ ᑲᓇᑕᒥᐅᖑᔪᒍᑦ ᑐᑭᓯᐅᒪᑦᑎᐊᕐᓂᖃᕐᓗᑕ ᐊᑦᑐᐊᔪᐃᓐᓇᐅᒐᑦᑕ ᑐᑯᒫᖃᖃᑎᒌᑦᑐᐃᓐᓇᐅᓪᓗᑕᓗ ᐊᕙᑎᑦᑎᓐᓂᒃ.

ᑮᓇᐅᔭᓕᐅᕋᓱᐊᖅᑎᐅᓇᑎᒃ

ᑎᒥᖁᑕᐅᔪᑦ ᑮᓇᐅᔭᓕᐅᕋᓱᐊᖅᑎᐅᓇᑎᒃ ᑮᓇᐅᔭᖃᑦᑎᐊᐸᙱᒻᒪᑕ ᐱᔪᒥᓴᐅᑎᒃᑲᓂᑦᓴᓄᑦ, ᐃᑲᔪᕈᒪᔭᕋᓗᐊᒥᓐᓂᒃ ᑎᑭᑦᑎᕕᖃᕈᓐᓇᕋᑎᒃ. 2014-ᒥᑦ ᐅᓪᓗᒥᒧᑦ, AksutMedia ᐱᑕᖃᖅᑎᑦᑎᓯᒪᕗᖅ ᐱᔪᒥᓴᐅᑎᓂᒃ ᐃᑲᔫᑎᒃᑲᓐᓂᓂᒃ ᑕᒪᒃᑯᓄᖓ ᑎᒥᖁᑕᐅᔪᓄᑦ, ᐱᓇᓱᐊᕈᒪᔭᖏᑦ ᐊᑦᓱᕈᐊᕆᔭᖏᓪᓗ ᐱᕚᓪᓕᖁᓪᓗᒋᑦ. ᐅᕝᕙᐅᑯᐊ ᐆᑦᑐᑎᒋᔭᑦᓴᑦ:

Inclusion Cafe@Iqaluit – ᐱᔪᒥᓴᐅᑦ ᑕᕐᕆᔮᔅᓴᖅ ᐊᔾᔨᙳᐊᓪᓗ

 

Humane Society Iqaluit - ᐱᔪᒥᓴᐅᑦ ᑕᕐᕆᔮᔅᓴᖅ ᐊᔾᔨᙳᐊᓪᓗ

 

Carrefour Nunavut Iqaluit - ᐱᔪᒥᓴᐅᑦ ᑕᕐᕆᔮᔅᓴᖅ ᓂᕿᑖᕐᕕᒻᒧᑦ ᖃᔪᖅᑐᕐᕕᒃ

ᓂᕆᑎᑦᑎᕕᒃ

 

ᓂᕆᑎᑦᑎᕕᒃ Society Iqaluit Soup Kitchen - ᐱᔪᒥᓴᐅᑦ ᑕᕐᕆᔮᔅᓴᖅ 

 

ᐱᕈᖅᓰᕕᒃ  Greenhouse Iqaluit - ᐱᔪᒥᓴᐅᑦ ᑕᕐᕆᔮᔅᓴᖅ

 

Saimavik Studios - ᐱᔪᒥᓴᐅᑦ ᑕᕐᕆᔮᔅᓴᖅ

Home Grown Projects

Nunavut Images – ᐃᓱᒪᒃᑯᑦ ᒪᑭᒪᑦᑎᐊᓂᕐᒧᑦ ᐊᔭᐅᕆᔾᔪᑦ

Mark Asplund, AKsut Media-ᒥᐅᖅ ᓴᓇᓚᐅᖅᐳᖅ ᐃᑭᐊᖅᑭᕕᒻᒥᒃ ᐊᔾᔨᓕᐅᖅᓯᒪᔭᖏᑦ ᓄᓇᕕᒻᒥ ᐃᓗᐊᓅᖅᑲᖅᑐᒋᑦ. ᑖᒃᑯᐊ ᐊᔾᔨᙳᐊᑦ ᓂᐅᕕᖅᑕᐅᔪᓐᓇᖅᑐᑎᒃ ᐊᑭᑐᓗᐊᕋᑎᒃ ᑕᒪᕐᒥᓪᓗ ᐊᑭᓕᐅᑕᐅᔪᑦ $8000-ᑖᓚᑦ ᑐᓂᓪᓗᓂᒋᑦ ᓄᓇᕗᑦ ᑲᒪᑦᓯᐊᖅᑐᒃᑯᓐᓄᑦ, ᓂᕿᓂᒃ ᓄᐊᑦᓯᕕᒻᒧᑦ, IqaluitFood Centre-ᐃᖃᓗᓐᓂ ᓂᕿᒃᑯᕕᒃ, National InuitYouth Council-ᑲᓇᑕᓕᒫᒃᑯᑦ ᒪᒃᑯᑦᑐᑦ ᑲᑎᒪᔨᖏᑦ, ᓄᓇᕗᑦ ᓯᕗᓂᒃᓴᕗᒃᑯᓐᓄᑦ ᐊᒻᒪᓗ Iqaluit Humane Society-ᐃᖃᓗᓐᓂ ᕿᒻᒥᕆᔭᐅᔪᓂᒃᐸᐸᑦᑎᔨᖃᕈᓐᓃᖅᓯᒪᔪᓕᕆᕕᒃ. Aksut Media ᐅᐱᒋᕚ ᑕᒫᓐᓇ ᐃᑲᔪᕋᓱᓐᓂᖅ ᐃᓱᒪᒋᒃᑲᓐᓂᕐᓂᐊᕈᒪᓪᓗᒍᓗ ᐃᓇᑦᑐᐃᓂᖅ ᐃᓅᓯᒃᑯᑦ ᐊᕙᑎᑦᑎᒍᓪᓗ ᒪᑭᒪᓂᖅ. ᑖᓐᓇ ᒪᕐᕉᓐᓄᑦ ᐊᕐᕌᒎᓐᓄᑦ ᑐᕌᖓᓚᐅᖅᑐᖅ ᐃᓱᓕᒻᒥᒻᒪᑦ ᑭᓯᐊᓂᓕ ᐊᑦᓱᐊᓗᒃ ᖁᕕᐊᒋᔭᕋ ᓴᖅᑭᑎᑦᑎᓂᖓ. ᓇᑯᕐᒦᐸᒃᑲ ᑕᒪᕐᒥᒃ ᑕᐃᒃᑯᐊ ᐱᔪᒪᓂᖃᓚᐅᖅᑐᑦ, ᐃᑲᔪᓚᐅᖅᑐᑦ ᐊᒻᒪ ᑐᓂᓯᓚᐅᖅᑐᑦ. ᑕᐃᒪ ᓄᑖᓅᖔᕐᓂᐊᓕᕆᕗᒍᑦ! ᓇᑯᕐᒦᒃ!

ᑕᑯᑲᐃᓐᓇᕈᒃ ᓴᖅᑭᖅᑎᓚᐅᕐᒥᔭᕗᑦ ᑐᓴᒐᔅᓴᓃᑦᑐᖅ

ᐅᒥᐊᕐᔪᐊᒃᑯᑦ ᐅᓯᔾᔪᑕᐅᓲᖅ ᒪᔪᕋᕐᕕᓕᐊᕆᓯᒪᔪᖅ

Aksut Media ᓇᒻᒥᓂᖅ ᐊᑭᓕᖅᑐᓂᐅᒃ ᓴᖅᑭᑎᑉᐸᓪᓕᐊᕚ ᐃᓗᐊᒎᖓᔪᖅ ᒪᔪᕋᕐᕕᒃ (ᑎᒍᒻᒥᕕᓕᖅᑐᖅᓯᒪᔪᖅ) ᒪᒃᑯᑦᑐᓄᑦ ᐊᑐᖅᑕᐅᖃᑦᑕᓂᐊᖅᑐᖅ ᐊᐅᔭᒃᑯᑦ. ᐆᑦᑑᑎᒋᓯᓐᓈᖅᑐᖅ ᐊᑐᓕᖅᑭᑎᑦᑎᓂᕐᒥᒃ ᐅᒥᐊᔪᐊᒃᑯᑦ ᐅᓯᔾᔪᑎᒥᓂᕐᒥᒃ.ᐅᐸᒐᑦᓴᖃᖅᑎᑦᑎᓂᐅᖁᓪᓗᒍ ᖁᕕᐊᒋᔭᐅᓗᓂ, ᐊᔪᕈᓐᓃᕈᑕᐅᓗᓂ ᐊᒻᒪ ᐃᓅᖃᑎᒌᑦᑎᐊᕈᑕᐅᓗᓂ ᐱᖃᑎᒌᓄᑦ ᓄᓇᖅᑲᑎᒌᓄᓪᓗ. ᑖᓐᓇ ᐊᓯᖃᒃᑲᓐᓂᓛᖁᕙᕗᑦ ᓯᕗᓂᑦᑎᓐᓂ

ᐃᓕᖅᑯᓯᐅᔪᒥᒃ ᐊᕙᑎᑦᑎᓂᓪᓗ ᓴᐳᔾᔨᓯᒪᓂᖅ

AKSUT Media ᐱᓕᕆᐊᖃᕈᒪᒋᕗᖅ ᓴᖅᑭᔮᕈᑎᒃᑯᑦ ᓴᐳᔾᔨᓯᒪᑎᑦᑎᓂᕐᒥᒃ ᐊᕙᑎᑦᑎᓐᓂᒃ ᐊᒻᒪᓗ ᐃᓕᖅᑯᓯᑦᑎᓐᓂᒃ. ᓲᕐᓗ ᒪᑯᐊ ᐅᓂᒃᑳᓕᐊᕆᓯᒪᔪᑦ, ᐃᑦᑕᕐᓂᓴᓕᕆᓂᖅ ᐊᒻᒪᓗ ᑭᓪᓕᓯᓂᐊᕐᓂᕐᒨᖓᔪᑦ. ᐱᓗᐊᖅᑐᒥᒃ ᐃᑦᑕᕐᓂᓴᖃᕐᕖᑦ, ᑕᑯᔭᒐᖃᕐᕕᒻᒦᑦᑐᑦ, ᐃᓕᖅᑯᓯᑐᖃᐃᑦ, ᐊᓯᖏᓪᓗ ᐱᔾᔪᓯᕆᔭᐅᔪᑦ.

ᐅᑎᕐᕕᒋᓗᒍ ᐱᔨᑦᑎᕋᐅᑎᑦ

ᐅᑎᕐᕕᒋᓗᒍ ᖁᓛ